Plantun de Prouvènço

Pèr coumpara dos planto d'encò nostre

Vaccinium uliginosum & Scrophularia canina subsp. hoppii

Petroussié

Vaccinium uliginosum

Ericaceae

Àutri noum : Aise, Erze.

Nom en français : Airelle à petites feuilles.

Descripcioun :
L'aire-negre es un pichot aubret que se tèn bèn dre (10 à 40 cm), e proun sarra dins li relarg mountagnous. Fai de fru, manjadis, que dounon d'èr à la brimbello, mai mens goustous. Se destrìo d'aquelo subretout pèr si fueio que soun quàsi ouvalo e sènso dènt. Li flour soun pichoto, blanco o roso. Coumpara emé lou brimbalié que ié sèmblo un pau. La subsp. presentado aqui èi microphyllum.

Usanço :
Coume l'avèn di, se li fru, fadas, soun mens bon que li brimbello soun pamens manjadis, pèr eisèmple en counfituro.

Port : Aubret
Taio : 10 à 40 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Vaccinium
Famiho : Ericaceae

Ordre : Ericales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 1200 à 2600 m
Aparado : Noun

Liò : Pelouso - Champino - Tourbièro - Tourbiero
Estànci : Mountagnard à Subaupen
Couroulougi : Bourealo
Ref. sc. : Vaccinium uliginosum (Lange) Tolm., 1936

Erbo-dis-escrolo(-de-Hoppe)

Scrophularia canina subsp. hoppii

Scrophulariaceae

Nom en français : Scrofulaire du Jura.

Descripcioun :
Aquesto erbo-dis-escrolo trachis majamen dins lis esboudèu cauquié de mountagno. Sèmblo proun à-n-aquelo de Prouvènço, Scrophularia provincialis, mai èi mens forto e à ges de gros estaminode (estamino esterlo souto li petalo d'en aut). Apoundèn que la flour de 3 à 6 mm, èi pourpro founso e tacado sus li coustat, emé la labro d'en aut di proun drecho.

Usanço :
Servié, subretout en Itàli, à sougna en fretant, li rougno di chin e di pouor. Autramen sèmblo agué li mémis usanço que l'erbo-dis-escrolo, Scrophularia nodosa.

Port : Pichoto planto lignouso
Taio : 10 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Scrophularia
Famiho : Scrophulariaceae

Ordre : Lamiales

Coulour de la flour : Roujo
Petalo : irreguliero
Ø (o loungour) flour : 3 à 6 mm
Flourido : Printèms - Estiéu

Sòu : Ca
Autour basso e auto : 200 à 2500 m
Aparado : Noun
Jun à avoust

Liò : Esboudèu - Limas de ribiero
Estànci : Subremediterran à Subaupen
Couroulougi : Ouroufito-Aupenco-Sud-Ouèst
Ref. sc. : Scrophularia canina subsp. hoppii (W.D.J.Koch) P.Fourn., 1937 (= Scrophularia canina subsp. juratensis (Schleich. ex Wydler) Bonnier & Layens, 1894 = Scrophularia hoppii W.D.J.Koch, 1826 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vaccinium uliginosum & Scrophularia canina subsp. hoppii

ges

Coumpara Petroussié emé uno autro planto

Coumpara Erbo-dis-escrolo(-de-Hoppe) emé uno autro planto